വീഡിയോ ചിത്രീകരിച്ചതിനു ശേഷം അവ ഫേസ്ബുക്ക്, ഇൻസ്റ്റഗ്രാം തുടങ്ങിയ സോഷ്യൽ മീഡിയയിൽ പോസ്റ്റ് ചെയ്തു. നിയമത്തെക്കുറിച്ച് മതിയായ അവബോധം ഉളളയാളായ ഷിംജിത, എന്തെങ്കിലും ദുരനുഭവം ഉണ്ടായാൽ തന്നെ അടുത്തുളള പൊലീസ് സ്റ്റേഷനിലോ നിയമാധികാരികളെയാ വിവരം അറിയിക്കാതെ ഇത്തരത്തിലുള വീഡിയോകൾ ചിത്രീകരിച്ച് സോഷ്യൽ മീഡിയയിൽ പ്രചരിപ്പിച്ചാൽ കുറ്റാരോപിതൻ പ്രസ്തുത വീഡിയോ കണ്ട് മാനഹാനി നേരിട്ട് മനം നൊന്ത് ആത്മഹത്യ ചെയ്യാം എന്ന വ്യക്തമായ അറിവും ബോധവും പ്രതിക്ക് ഉണ്ടെന്ന് ഷിംജിതയുടെ വിദ്യാഭ്യാസം ഉദ്ധരിച്ചുകൊണ്ട് റിമാൻഡ് റിപ്പോര്ട്ടില് പറഞ്ഞു.
അതേസമയം, കഴിഞ്ഞ ഞായറാഴ്ചയാണ് വീട്ടിലെ കിടപ്പുമുറിയില് തൂങ്ങിമരിച്ചത്. ലൈംഗികാതിക്രമം നേരിട്ടുവെന്ന് കാട്ടി സമൂഹമാധ്യമങ്ങളില് വീഡിയോ ഷെയര് ചെയ്തിരുന്നു. ഇതിന് പിന്നാലെയാണ് ദീപക് അത്മഹത്യ ചെയ്തത്.
*ലൈംഗിക അതിക്രമം നേരിട്ടുവെന്ന മൊഴിയില് ഉറച്ച് ഷിംജിത; മൊബൈല് ശാസ്ത്രീയ പരിശോധനയ്ക്ക് വിധേയമാക്കും*
തനിക്ക് ബസ്സില് വെച്ച് ലൈംഗിക അതിക്രമം നേരിട്ടു എന്നുള്ള മൊഴിയില് ഉറച്ച് ഷിംജിത. ലൈംഗികാതിക്രമ ആരോപണത്തിന് പിന്നാലെ യുവാവ് ആത്മഹത്യ ചെയ്ത സംഭവത്തില് അറസ്റ്റിലായ ഷിംജിതയുടെ മൊഴി പോലീസ് രേഖപ്പെടുത്തിയിരുന്നു.
അതേസമയം, ദീപകിന്റെ വീഡിയോ ചിത്രീകരിച്ച മൊബൈല് ഫോണ് ശാസ്ത്രീയ പരിശോധനയ്ക്ക് അയക്കും. ഷിംജിതയെ വിശദമായി ചോദ്യം ചെയ്യാന് പൊലീസ് ഇന്ന് കസ്റ്റഡി അപേക്ഷ നല്കും.
കഴിഞ്ഞ തിങ്കളാഴ്ച തന്നെ ഷിംജിതയില് നിന്നും പ്രാഥമികമായി മൊഴി രേഖപ്പെടുത്തിയിരുന്നു. അന്ന് തന്നെ ഷിംജിതയുടെ ഫോണും പൊലീസ് കസ്റ്റഡിയിലെടുത്തിരുന്നു. ഫോണില് നിന്നും വിവാദമായ ദൃശ്യങ്ങള് പൊലീസ് കണ്ടെടുത്തു. കൂടുതല് വ്യക്തതയ്ക്ക് വേണ്ടിയാണ് പൊലീസ് ഫോണ് ശാസ്ത്രീയ പരിശോധനയ്ക്ക് വിധേയമാക്കുന്നത്.
അതേസമയം, ഷിംജിത നേരത്തെ നല്കിയിരിക്കുന്ന മുന്കൂര് ജാമ്യാപേക്ഷ പ്രിന്സിപ്പല് സെഷന്സ് കോടതി ഇന്ന് പരിഗണിക്കും. എന്നാല് ഷിംജിത കസ്റ്റഡിയില് ആയിരിക്കുന്നതിനാല് ആ അപേക്ഷ പരിഗണിക്കാതെ വിടാനുള്ള സാധ്യതയുമുണ്ട്. നിലവില് ഷിംജിത പുതിയൊരു ജാമ്യ ഹര്ജി കുന്നമംഗലം ഫസ്റ്റ് ക്ലാസ് മജിസ്ട്രേറ്റ് കോടതിയില് നല്കുമെന്ന വിവരങ്ങളും പുറത്ത് വരുന്നുണ്ട്.
0 Comments