മഞ്ചേരി വഴിയുള്ള യാത്രക്കാർ ശ്രദ്ധിക്കുക: നഗരത്തിൽ ഇന്ന് വൈകുന്നേരം ഗതാഗത നിയന്ത്രണം..

*സി.ഐ.ടി.യു ജില്ലാ സമ്മേളന സമാപനത്തോടനുബന്ധിച്ച് വൈകീട്ട് നടക്കാവുന്ന പ്രകടനം കണക്കിലെടുത്ത് ഇന്ന് മഞ്ചേരി നഗരത്തിൽ പ്രത്യേക ഗതാഗത നിയന്ത്രണം ഏർപ്പെടുത്തുമെന്ന് പോലീസ് അറിയിച്ചു. വൈകീട്ട് നാല് മണി മുതൽ രാത്രി എട്ട് മണി വരെയാണ് നഗരത്തിൽ ഗതാഗത തിരിവിട്ടുവിടൽ നടപ്പിലാക്കുന്നത്.*

*ഗതാഗത ക്രമീകരണങ്ങൾ താഴെ പറയുന്ന രീതിയിലാണ്:*

* *മലപ്പുറം ഭാഗത്തുനിന്നുള്ള വാഹനങ്ങൾ: നിലമ്പൂരിലേക്ക് പോകേണ്ട വാഹനങ്ങൾ ഐ.ജി.ബി.ടി ജംഗ്ഷനിൽ നിന്ന് ഇടത്തോട്ട് തിരിഞ്ഞ് തുറക്കൽ ജംഗ്ഷൻ വഴി പോകണം. പാണ്ടിക്കാട് ഭാഗത്തേക്കുള്ള ബസ്സുകൾ ചെങ്ങണ വഴി തിരിഞ്ഞുപോകേണ്ടതാണ്.*

* *കോഴിക്കോട് ഭാഗത്തുനിന്നുള്ള വാഹനങ്ങൾ: നിലമ്പൂർ, പാണ്ടിക്കാട് ഭാഗങ്ങളിലേക്ക് പോകേണ്ട വാഹനങ്ങൾ തുറക്കൽ ജംഗ്ഷനിൽ നിന്ന് ഇടത്തോട്ട് തിരിഞ്ഞ് ജസീല ജംഗ്ഷൻ വഴി പോകണം.*

* *അരീക്കോട്/നിലമ്പൂർ ഭാഗത്തുനിന്നുള്ള വാഹനങ്ങൾ: കോഴിക്കോട്, മലപ്പുറം ഭാഗങ്ങളിലേക്ക് പോകുന്ന വാഹനങ്ങൾ ജസീല ജംഗ്ഷനിൽ നിന്ന് വലത്തോട്ട് തിരിഞ്ഞ് തുറക്കൽ ജംഗ്ഷൻ വഴിയും, പാണ്ടിക്കാട് ഭാഗത്തേക്ക് പോകുന്നവ ജസീല ജംഗ്ഷനിൽ നിന്ന് ഇടത്തോട്ട് തിരിഞ്ഞ് ചമയം ജംഗ്ഷൻ വഴിയും പോകണം.*

* *പാണ്ടിക്കാട് ഭാഗത്തുനിന്നുള്ള വാഹനങ്ങൾ: നിലമ്പൂരിലേക്ക് പോകുന്ന വാഹനങ്ങൾ ചമയം ജംഗ്ഷനിൽ നിന്ന് വലത്തോട്ട് തിരിഞ്ഞ് ജസീല ജംഗ്ഷൻ വഴി പോകണം. മലപ്പുറം ഭാഗത്തേക്ക് പോകേണ്ട വാഹനങ്ങൾ ചെങ്ങണ ബൈപ്പാസ് വഴി തിരിഞ്ഞുപോകേണ്ടതുമാണ്.*

*യാത്രക്കാർ പോലീസ് നിർദ്ദേശങ്ങൾ പാലിക്കണമെന്നും സഹകരിക്കണമെന്നും അധികൃതർ.*