*_എന്തുകൊണ്ട് ഈ കുതിപ്പ്?_*
ആഗോളതലത്തില് നിലനില്ക്കുന്ന വ്യാപാര തര്ക്കങ്ങളും യുഎസ് ഡോളറിന്റെ മൂല്യത്തിലുണ്ടായ ഇടിവുമാണ് വെള്ളിക്ക് കരുത്തായത്. സുരക്ഷിത നിക്ഷേപം എന്ന നിലയില് സ്വര്ണത്തോടൊപ്പം വെള്ളിയെയും നിക്ഷേപകര് ആശ്രയിക്കുന്നു. നിലവില് ഇന്ത്യന് വിപണിയില് വെള്ളി കിലോയ്ക്ക് 3.27 ലക്ഷം രൂപ വരെ ഉയര്ന്നു നില്ക്കുകയാണ്.
_*ഇത് 1970-ലെ ആവര്ത്തനമോ?*_
വെള്ളിവില കുതിച്ചുയരുമ്പോള് 1970-കളില് ഉണ്ടായ തകര്ച്ചയെക്കുറിച്ച് പലരും ആശങ്കപ്പെടുന്നുണ്ട്. അന്ന് ഹണ്ട് ബ്രദേഴ്സ് എന്നറിയപ്പെട്ടിരുന്നവര് വിപണി പിടിച്ചടക്കാന് ശ്രമിച്ചതും പിന്നീട് നിയന്ത്രണങ്ങള് വന്നപ്പോള് വില 78 ശതമാനത്തോളം ഇടിഞ്ഞതും ചരിത്രം. എന്നാല് ഇപ്പോഴത്തെ സാഹചര്യം വ്യത്യസ്തമാണെന്ന് വിദഗ്ധര് പറയുന്നു. അന്ന് ഒരു പ്രത്യേക വിഭാഗം വിപണിയെ നിയന്ത്രിക്കുകയായിരുന്നു എന്നും എന്നാല് ഇന്ന് ആഗോള രാഷ്ട്രീയ സാഹചര്യങ്ങളും കറന്സി മൂല്യത്തകര്ച്ചയുമാണ് വില വര്ധിപ്പിക്കുന്നത്. എങ്കിലും നിക്ഷേപകര് ജാഗ്രത പാലിക്കണമെന്നും ഇവര് പറയുന്നു.
0 Comments