ജി.എൽ.പി.എസ്. ചെങ്ങര 2-എ ക്ലാസ് ലൈബ്രറിയിലേക്ക് പുസ്തകങ്ങൾ സമ്മാനിച്ചു

ജന്മദിനത്തിന്റെ സന്തോഷം അറിവ് പങ്കുവെച്ചുകൊണ്ട് ആഘോഷിക്കാനെന്ന ലക്ഷ്യത്തോടെ ജി.എൽ.പി.എസ്. ചെങ്ങരയിലെ 2-എ ക്ലാസ് വിദ്യാർത്ഥികളായ ജിയ മെഹ് വിഷ്, അമൽ അസ്ഹർ എന്നിവർ ക്ലാസ് ലൈബ്രറിയിലേക്ക് പുസ്തകങ്ങൾ സമ്മാനിച്ചു.

സ്കൂൾ ഹെഡ്മാസ്റ്റർ അജിത് മാസ്റ്റർ കുട്ടികളിൽ നിന്ന് പുസ്തകങ്ങൾ ഏറ്റുവാങ്ങി. കുട്ടികളുടെ ഈ മാതൃകാപരമായ പ്രവർത്തനത്തെ അദ്ദേഹം അഭിനന്ദിക്കുകയും വായനാശീലം വളർത്താൻ ഇത്തരം പ്രവർത്തനങ്ങൾ മറ്റുള്ള വിദ്യാർത്ഥികൾക്കും പ്രചോദനമാകട്ടെയെന്ന് ആശംസിക്കുകയും ചെയ്തു.

ജന്മദിനം സമൂഹത്തിന് ഉപകാരപ്പെടുന്ന ഒരു നല്ല പ്രവൃത്തിയിലൂടെ ആഘോഷിച്ച വിദ്യാർത്ഥികളെ അധ്യാപകരും സഹപാഠികളും അഭിനന്ദിച്ചു.