ഏപ്രിൽ 20 മുതൽ 25 വരെ രണ്ട് ബാച്ചുകളിലായാണ് പരിശീലനം ക്രമീകരിച്ചിരിക്കുന്നത്. കൃത്യവും സുതാര്യവുമായ വിവരശേഖരണം ഉറപ്പുവരുത്തുന്നതിനായി സെൻസസ് ഡെപ്യൂട്ടി ഡയറക്ടർ കെ.എം. ഹാരിസ്, സ്റ്റാറ്റിസ്റ്റിക്കൽ ഇൻവെസ്റ്റിഗേറ്റർ ഷഹ്ന കാരാടൻ എന്നിവർ ക്ലാസുകൾക്ക് നേതൃത്വം നൽകുന്നു.
നേതൃത്വം: ജില്ലയിൽ പ്രിൻസിപ്പൽ സെൻസസ് ഓഫീസറായ ജില്ലാ കളക്ടറുടെ മേൽനോട്ടത്തിലാണ് പ്രവർത്തനങ്ങൾ ഏകോപിപ്പിക്കുന്നത്.
ഉദ്യോഗസ്ഥ ചുമതലകൾ: എ.ഡി.എം സി.എസ്. രാജേഷ്, വിവിധ വകുപ്പുകളിലെ ജില്ലാതല മേധാവികൾ (അഡീഷണൽ സെൻസസ് ഓഫീസർമാർ), സബ് കളക്ടർമാർ, തഹസിൽദാർമാർ, മുൻസിപ്പൽ സെക്രട്ടറിമാർ എന്നിവർക്ക് സെൻസസ് സംബന്ധമായ വിവിധ ചുമതലകൾ നൽകിയിട്ടുണ്ട്.
ലക്ഷ്യം: വരാനിരിക്കുന്ന സെൻസസ് നടപടികൾ കുറ്റമറ്റ രീതിയിൽ പൂർത്തിയാക്കുന്നതിനായി ഉദ്യോഗസ്ഥരെ സജ്ജരാക്കുക.
നാടിന്റെ വികസന പദ്ധതികൾ ആസൂത്രണം ചെയ്യുന്നതിൽ നിർണ്ണായകമായ സെൻസസ് പ്രവർത്തനങ്ങളുമായി എല്ലാവരും സഹകരിക്കണമെന്ന് ജില്ലാ ഭരണകൂടം അഭ്യർത്ഥിക്കുന്നു.
0 Comments