തവനൂരിലെ ആടിനെ അറുത്തുള്ള വിജയാഹ്ലാദം: അതിരുകടന്നു; ഫേസ്ബുക്ക് പ്രൊഫൈൽ ഉടമയ്‌ക്കെതിരെ പോലീസ് കേസെടുത്തു..!

*

തവനൂർ പെരുന്തല്ലൂരിൽ തിരഞ്ഞെടുപ്പ് വിജയാഹ്ലാദത്തിനിടെ ആടിന്റെ തലയറുത്ത് പ്രദർശിപ്പിച്ച സംഭവത്തിൽ തിരൂർ പോലീസ് കേസെടുത്തു. 'തെളിനീർ ചിന്തകൻ' എന്ന ഫേസ്ബുക്ക് പ്രൊഫൈൽ ഉടമയ്‌ക്കെതിരെയാണ് നടപടി.*

*ആടിന്റെ തലയുമായി റോഡിലൂടെ പ്രകടനം നടത്തുന്ന ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയും വിവാദമാവുകയും ചെയ്തതിനെ തുടർന്നാണ് പോലീസ് നടപടി സ്വീകരിച്ചത്.*

*​വിശാഖ് എന്നയാൾ നൽകിയ പരാതിയുടെ അടിസ്ഥാനത്തിൽ അനിമൽ ആക്ട് പ്രകാരവും, ഭാരതീയ ന്യായ സംഹിത 325-ാം വകുപ്പും ചേർത്താണ് കേസെടുത്തിരിക്കുന്നത്. കെ.ടി ജലീലിന്റെ തോൽവി ആഘോഷിക്കുന്നതിന്റെ ഭാഗമായാണ് മുസ്ലിംലീഗ് പ്രവർത്തകർ ആടിനെ വെട്ടി ആഹ്ലാദപ്രകടനം നടത്തിയത്. ഈ ദൃശ്യങ്ങൾ പ്രചരിച്ചതോടെ വലിയ രീതിയിലുള്ള പ്രതിഷേധങ്ങൾ ഉയർന്നിരുന്നു.*

*​അതേസമയം, ആഹ്ലാദപ്രകടനങ്ങൾ ആഭാസകരവും മറ്റുള്ളവരെ അധിക്ഷേപിക്കുന്നതുമാകരുതെന്ന് മുസ്‌ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങൾ കർശന മുന്നറിയിപ്പ് നൽകി. ചില പ്രദേശങ്ങളിലെ പ്രകടനങ്ങളിലുണ്ടായ ഇത്തരം ചെയ്തികൾ മുസ്‌ലിം ലീഗ് ഇതുവരെ ഉണ്ടാക്കിയെടുത്ത സൽപ്പേരിന് കളങ്കമുണ്ടാക്കുന്നതാണ്.*

*അച്ചടക്ക ലംഘനം നടത്തുന്നവർക്കെതിരെ പാർട്ടി തലത്തിൽ ശക്തമായ നടപടിയുണ്ടാകുമെന്നും തങ്ങൾ വ്യക്തമാക്കി. സംഭവത്തിൽ ഉൾപ്പെട്ടവരെ കണ്ടെത്താൻ പോലീസ് അന്വേഷണം ഊർജിതമാക്കിയിട്ടുണ്ട്.*